बेलायतमा महिनाको ५ लाखसम्म कमाएकी अलिना भन्छिन्– केयरगिभिङमा जानुअघि सीप सिक्नैपर्छ
काठमाडौं — नेपालमा नर्सिङ अध्ययन गरी केही समय काम गरेपछि बेलायत पुगेकी अलिना राईले केयरगिभिङ क्षेत्रमा राम्रो अवसर भए पनि यसका लागि उचित तालिम, सीप र जिम्मेवारीबोध आवश्यक हुने बताएकी छन्।
हालै जिबिको मिडियासँगको कुराकानीमा राईले नेपालमा ब्याचलर इन नर्सिङ अध्ययन पूरा गरेपछि केही समय स्वास्थ्य क्षेत्रमा काम गरेको र त्यसपछि बेलायत गएको आफ्नो अनुभव सुनाइन्।
उनका अनुसार बेलायतमा काम गर्ने क्रममा उनले मासिक करिब ५ लाख रुपैयाँसम्म आम्दानी गरेको अनुभव छ। त्यहाँ काम गरिरहेका केही नेपाली केयर वर्करले कामको प्रकृति, काम गर्ने समय तथा अतिरिक्त सिफ्टका आधारमा मासिक ३ देखि ४ लाख रुपैयाँसम्म आम्दानी गर्ने गरेको उनले बताइन्।
तर विदेशमा हुने सम्भावित आम्दानीलाई मात्र हेरेर केयरगिभिङ क्षेत्रमा प्रवेश गर्नु उचित नहुने उनको भनाइ छ।
“राम्रो केयर वर्कर बन्नका लागि उचित तालिम आवश्यक हुन्छ। मानिसको स्वास्थ्य, सुरक्षा र दैनिक जीवनसँग जोडिएको काम भएकाले जिम्मेवारीपूर्वक काम गर्न सक्ने सीप चाहिन्छ,” राईले जिबिको मिडियासँगको कुराकानीमा बताइन्।
के गर्छन् केयर वर्करले?
केयरगिभिङ वा केयर वर्कमा विशेषगरी वृद्धवृद्धा, बिरामी, अपाङ्गता भएका व्यक्ति वा दैनिक जीवनमा सहयोग आवश्यक पर्ने व्यक्तिलाई हेरचाह तथा आवश्यक सहयोग गर्ने काम समावेश हुन्छ।
यसका लागि बिरामी वा सेवाग्राहीसँग राम्रोसँग संवाद गर्ने, उनीहरूको दैनिक जीवनमा सहयोग गर्ने, सरसफाइ तथा व्यक्तिगत हेरचाहमा सहयोग गर्ने, सुरक्षा तथा स्वास्थ्यसम्बन्धी आधारभूत विषय बुझ्ने र संवेदनशील रूपमा व्यवहार गर्न सक्ने क्षमता महत्त्वपूर्ण हुने राई बताउँछिन्।
उनका अनुसार विदेशमा केयरगिभिङ क्षेत्रमा जान चाहने व्यक्तिले भाषा र कामसम्बन्धी आधारभूत ज्ञानसँगै व्यावहारिक तालिम र सेवा दिने सही तरिका सिक्नु आवश्यक छ।
बेलायतको अनुभवपछि नेपालमै प्रशिक्षण
बेलायतमा काम गर्दाको अनुभव लिएर नेपाल फर्किएकी राई अहिले केयरगिभिङ अध्ययन तथा तालिम लिइरहेका विद्यार्थीलाई प्रशिक्षण दिँदै आएकी छन्।
उनले विदेशमा काम गर्दा हासिल गरेको व्यावहारिक अनुभव र त्यहाँको केयर प्रणालीबारे नेपाली विद्यार्थीलाई जानकारी दिँदै आएको बताइन्।
उनको भनाइमा, नेपालबाट विदेश जाने तयारी गरिरहेका युवाले विदेश पुगेपछि मात्र काम सिक्ने सोच राख्नुभन्दा नेपालमै उचित तालिम लिएर आवश्यक सीप विकास गरेमा काममा समायोजन हुन सहज हुन्छ।
केयरगिभिङमा जान चाहनेका लागि निःशुल्क सेमिनार
केयरगिभिङ क्षेत्रबारे बुझ्न चाहने तथा भविष्यमा यस क्षेत्रमा करियर बनाउन चाहने युवालाई लक्षित गरी राईले निःशुल्क सेमिनारसमेत आयोजना गर्दैछिन्।
सेमिनारमा केयरगिभिङ भनेको के हो, यसका लागि कस्ता सीप आवश्यक पर्छन्, तालिम किन महत्त्वपूर्ण छ, विदेशमा काम गर्दा कस्ता जिम्मेवारी हुन्छन् तथा यस क्षेत्रमा करियर बनाउन चाहनेहरूले के–कस्ता तयारी गर्नुपर्छ भन्ने विषयमा जानकारी दिइनेछ।
सेमिनारको मिति, स्थान, समय तथा सहभागिताका लागि आवश्यक विवरण आयोजकले उपलब्ध गराएअनुसार जिबिको मिडियाले थप जानकारी सार्वजनिक गर्नेछ।
राईको अनुभवले केयरगिभिङलाई केवल विदेश जाने माध्यम वा उच्च आम्दानीको अवसरका रूपमा मात्र नभई सीप, जिम्मेवारी र सेवाभाव आवश्यक पर्ने पेशाका रूपमा बुझ्नुपर्ने देखाउँछ।
केयरगिभर तालिम र रोजगारीबारे निःशुल्क सेमिनार, असोज ११ गते, विहान
काठमाडौं। के तपाईं केयरगिभर तालिम सिक्न चाहनुहुन्छ? केयरगिभरका रूपमा देश भित्रै काम गर्न, केयर होम संचालन गरी उधमी बन्न वा इजरायल, जापान, युरोप वा अन्य देशमा रोजगारीका लागि जान चाहनुहुन्छ? नेपाल वा विदेशमा केयरगिभरको रोजगारीका अवसर, आवश्यक सीप र करिअरबारे जानकारी खोजिरहनुभएको छ?
काठमाडौंको सुकेधारास्थित काठमाडौं टेक्निकल स्कुलले आगामी असोज ११ गते, विहान केयरगिभर तालिम तथा करिअरसम्बन्धी निःशुल्क सेमिनार आयोजना गर्ने भएको छ।
सेमिनारमा केयरगिभर पेशा के हो, यस क्षेत्रमा काम गर्न कस्तो सीप चाहिन्छ, तालिम कसरी लिन सकिन्छ, नेपाल तथा विदेशमा रोजगारी खोज्दा के–कस्ता तयारी आवश्यक पर्छन् लगायतका विषयमा जानकारी दिइने आयोजकले जनाएको छ।
काठमाडौं टेक्निकल स्कुलले आयोजना गर्न लागेको सेमिनारले विशेषगरी केयरगिभर क्षेत्रमा प्रवेश गर्न चाहने तर कहाँबाट सुरु गर्ने भन्ने अन्योलमा रहेका व्यक्तिलाई जानकारी दिने उद्देश्य राखेको छ।
सेमिनार कहिले र कहाँ?
- कार्यक्रम: केयरगिभरसम्बन्धी निःशुल्क सेमिनार
- मिति: २०८३ असोज ११ गते, विहान ७ः३० देखी ९ बजेसम्म
- स्थान: काठमाडौं टेक्निकल स्कुल, सुकेधारा, काठमाडौं
- सहभागिता शुल्क: निःशुल्क
- सहभागी हुन यो लिंकमा क्लिक गरेर गुगल फारम भर्नुहोस्
कसरी सहभागी हुने?
जीविको मिडियाको यस समाचारमा उपलब्ध गराइएको गुगल फाराम भरेर पनि सेमिनारका लागि दर्ता गर्न सकिनेछ।
सहभागी हुन चाहनेले कार्यक्रमअघि नै आफ्नो नाम दर्ता गर्नु पर्छ।
