जीविको । बागमती प्रदेश सरकारअन्तर्गतको मेथिनकोट अस्पताल, काभ्रेपलाञ्चोक र भक्तपुरको मध्यपुर थिमि नगरपालिकाले करार सेवामा कर्मचारी माग गरेका छन्। दुवै निकायले छुट्टाछुट्टै सूचना प्रकाशित गर्दै तोकिएको योग्यता पुगेका नेपाली नागरिकलाई आवेदन दिन आग्रह गरेका हुन्।

मेथिनकोट अस्पतालले स्वास्थ्य तथा प्रशासनतर्फ विभिन्न पदमा करार कर्मचारी माग गरेको छ भने मध्यपुर थिमि नगरपालिकाले कम्प्युटर सहायक पदमा १४ जना कर्मचारी माग गरेको छ।

मेथिनकोट अस्पतालमा १६ जना कर्मचारी माग

बागमती प्रदेश सरकार, स्वास्थ्य मन्त्रालय, स्वास्थ्य निर्देशनालयअन्तर्गतको मेथिनकोट अस्पताल, भकुन्डेबेसी, काभ्रेपलाञ्चोकले करार सेवामा १६ जना कर्मचारी माग गरेको छ।

अस्पतालले प्रकाशित गरेको सूचनाअनुसार चिकित्सक, नर्सिङ, ल्याब, फार्मेसी, फिजियोथेरापी, कम्प्युटर, रिसेप्सन तथा कार्यालय सहयोगी लगायतका पदमा कर्मचारी माग गरिएको हो।

माग गरिएका पदहरू

मेथिनकोट अस्पतालले निम्न पदहरूमा कर्मचारी माग गरेको छ:

सूचनाअनुसार केही पद स्थानीय दरबन्दी करारअन्तर्गत र केही पद संघीय कार्यक्रम करारअन्तर्गत माग गरिएको हो।

आवेदन दिने म्याद र स्थान

मेथिनकोट अस्पतालको सूचना २०८३ असार २ गते प्रकाशित भएको हो। इच्छुक उम्मेदवारले सूचना प्रकाशित भएको मितिले १५ दिनभित्र कार्यालय समयमा आवेदन दिनुपर्नेछ।

आवेदन मेथिनकोट अस्पतालको सम्बन्धित शाखामा बुझाउनुपर्नेछ। सूचनामा आवेदन फाराम, दस्तुर, कार्यविवरण, पारिश्रमिक र सेवाका शर्तहरू अस्पतालको कार्यालय वा वेबसाइटबाट प्राप्त गर्न सकिने उल्लेख छ।

वेबसाइट: www.methinkothospital.bagmati.gov.np

आवश्यक योग्यता र कागजात

आवेदक नेपाली नागरिक हुनुपर्नेछ। स्वास्थ्य सेवासम्बन्धी पदका लागि सम्बन्धित काउन्सिलमा दर्ता भएको प्रमाणपत्र आवश्यक हुनेछ। सहायक तहका लागि कम्तीमा १८ वर्ष र अधिकृत तहका लागि कम्तीमा २१ वर्ष उमेर पूरा भएको हुनुपर्नेछ।

दरखास्तसँगै व्यक्तिगत विवरण, शैक्षिक योग्यताको प्रमाणपत्र, नेपाली नागरिकताको प्रमाणपत्र, अनुभव प्रमाणपत्र, सम्बन्धित काउन्सिल दर्ता प्रमाणपत्र लगायतका कागजातको प्रतिलिपि संलग्न गर्नुपर्नेछ। सबै प्रतिलिपिमा उम्मेदवारले स्वयं हस्ताक्षर गरी प्रमाणित गर्नुपर्ने सूचनामा उल्लेख छ।

मध्यपुर थिमि नगरपालिकामा १४ जना कम्प्युटर सहायक माग

भक्तपुरको मध्यपुर थिमि नगरपालिकाले करार सेवामा १४ जना कम्प्युटर सहायक माग गरेको छ। नगर कार्यपालिकाको कार्यालय, थिमिले प्रकाशित गरेको सूचनाअनुसार चौथो तहको कम्प्युटर सहायक पदमा कर्मचारी माग गरिएको हो।

पद विवरण

आवेदन दिने अन्तिम मिति

सूचना २०८३ असार ५ गते प्रकाशित भएको हो। इच्छुक उम्मेदवारले २०८३ असार १९ गतेसम्म आवेदन दिनुपर्नेछ।

आवेदन शुल्क

आवेदन दस्तुर रु. ५०० तोकिएको छ।

उमेर सीमा

पुरुष उम्मेदवारका लागि १८ वर्ष पूरा भई ३५ वर्ष ननाघेको र महिला उम्मेदवारका लागि १८ वर्ष पूरा भई ४० वर्ष ननाघेको हुनुपर्नेछ।

छनोट प्रक्रिया

उम्मेदवारको छनोट लिखित परीक्षा, प्रयोगात्मक परीक्षा र अन्तर्वार्ताका आधारमा हुनेछ।

पाठ्यक्रम बागमती प्रदेश लोक सेवा आयोगले तोकेको चौथो तह कम्प्युटर सहायक पदको पाठ्यक्रमअनुसार हुने सूचनामा उल्लेख छ।

परीक्षा योजना अनुसार लिखित परीक्षा ५० पूर्णाङ्कको हुनेछ। त्यसमा बहुवैकल्पिक प्रश्न सोधिनेछ। प्रयोगात्मक परीक्षा ५० पूर्णाङ्क र अन्तर्वार्ता २० पूर्णाङ्कको हुनेछ।

आवेदन कहाँ बुझाउने ?

आवेदन फाराम मध्यपुर थिमि नगरपालिकाको प्रशासन तथा जनशक्ति विकास शाखामा बुझाउनुपर्नेछ। आवेदन फाराम तथा थप जानकारी नगरपालिकाको वेबसाइटबाट पनि प्राप्त गर्न सकिनेछ।

वेबसाइट: www.madhyapurthimimun.gov.np

आवश्यक कागजात

आवेदनसँगै नेपाली नागरिकताको प्रमाणपत्र, शैक्षिक योग्यताको प्रमाणपत्र, नेपाल बाहिरको प्रमाणपत्र भए समकक्षता निर्धारण गरिएको प्रमाणपत्र, र तोकिएका अन्य कागजातको प्रतिलिपि संलग्न गर्नुपर्नेछ। सबै प्रतिलिपि उम्मेदवार स्वयंले हस्ताक्षर गरी प्रमाणित गर्नुपर्नेछ।