आउँदो कार्तिक २७ गतेदेखि पुष ४ गतेसम्मको लागि कतारस्थित नेपाली दूतावास बिहान ७ बजेदेखि ११ बजेसम्म खुला गरिने भएको छ । कतार सरकारले फिफा विश्वकप २०२२ को तयारी गर्न कतारको सबै सरकारी कार्यालयको समय परिवर्तन गरेको हुँदा दूतावास खुल्ने समय पनि परिवर्तन भएको दोहास्थित नेपाली दूतावासले जनाएको छ ।समय परिवर्तन भएपछि दूतावासले सेवाग्राहीहरूलाई तोकिएको समयमा सेवा लिन आग्रह गरेको छ । कतार मन्त्री परिषदको निर्णयलाई ध्यानमा राख्दै पुष ५ गतेबाट पूर्ववत् नियमित कार्यालय समयअनुसार खुला रहने दूतावासले जारी गरेको विज्ञप्तिमा उल्लेख गरिएको छ ।  

कार्यालय समय बाहेक अत्यावश्यक तथा जरुरी जानकारी वा कन्सुलर सेवाको आवश्यकता परेमा ४४६७६८३ वा ४४६७५६८१ मा दिउँसो २ बजेसम्म सम्पर्क गर्न सकिने दूतावासले बताएको छ ।

हेर्नुहोस् सूचना