ब्याचलर गरेकालाई अवसर, यस्तो छ आवेदन प्रकृया
यदि तपाईं स्नातक अर्थात् ब्याचलर लेभलमा अध्ययनरत हुनुहुन्छ वा ब्याचलर तहको पढाई सकाएर अवसरको खोजी गर्दै हुनुहुन्छ भने तपाईँका लागि
यी ३ वटा अवसरहरू उपयोगी हुनसक्छ ।
पहिलो अवसर
नेपाल युवा संस्था संजाल (AYON) ले अमेरिकी दूतावाससँगको सहकार्यमा ३ जना युवालाई काठमाडौंमा अवस्थित अमेरिकी दूतावासमा ६ महिनाका लागि तालिम, सीप विकाससँगै व्यवहारिक कार्यअनुभवका लागि अवसर प्रदान गर्दै छ । ‘प्रोजेक्ट भविष्य’ नामक यस कार्यक्रममा छनोट भएका व्यक्तिले मासिक ५० हजार ८७० रुपैयाँ पनि पाउनेछन् । आवेदन दिने समयावधि डिसेम्बर १५, २०२३ अर्थात् मङ्सिर २९ सम्म रहेको छ । तल दिइएको जानकारीमूलक पोस्टर हेरेर आवेदन प्रकृयाका सम्पूर्ण कुरा थाहा पाउन सक्नुहुन्छ ।
दोस्रो अवसर
संयुक्त राष्ट्रसंघ, नेपालले सीमान्तकृत तथा अवसरबाट बञ्चित नेपाली युवाहरूलाई लक्षित गर्दै ११ महिने ट्रेनिशिप कार्यक्रम सञ्चालन गर्दै छ । व्यवहारिक अनुभवसँगै ट्रेनिशिप अवधिभर निश्चित रकम पनि पाइने यस कार्यक्रमलाई ‘फुल टाइम अन द जब ट्रेनिङ’ भनिन्छ । मधेशी, जनजाति, दलित, यौनिक तथा लैङ्गिक अल्पसंख्यक समूहलाई यस कार्यक्रममा आवेदन बुझाउन आव्हान गरिएको छ ।
तल दिइएको लिंक गएर यस बारेमा पूर्ण जानकारी थाहा पाउनुहोस् र आवेदन बुझाउनुहोस् । आवेदन दिने समयावधि डिसेम्बर ३१, २०२३ अर्थात् पौष १५ सम्म रहेको छ ।
तेस्रो अवसर
यूएनडीपी नेपालले नै स्तरीय फोटो खिच्ने, लेआउट डिजाइन गर्न सक्ने, भाषा सम्पादन गर्ने, भिडियो खिच्ने तथा कथा बनाउन जान्ने व्यक्तिलाई यूएनडीपी नेपालको रोस्टरमा जोडिन आव्हान गरेको छ ।
आवश्यकताअनुसार यूएनडीपी नेपालले रोस्टरमा भएका व्यक्तिलाई अवसर दिने छ । तल दिइएको लिंक गएर यस बारेमा पूर्ण जानकारी थाहा पाउनुहोस् र आवेदन बुझाउनुहोस् । आवेदन दिने समयावधि १४, २०२३ अर्थात् मङ्सिर २८ सम्म रहेको छ ।
