निःशुल्क सीप सिकौँ, तालिम लगत्तै कमाइ गरौँ
ओल्गापुरी सोसल इन्टरप्राइज बुङ्गमतीले बेल्डिङ र कारपेन्ट्री गरि २ विधामा निःशुल्क सीपमुलक तालिमका लागि आवेदन माग गरेको छ । नेपाल युथ फाउण्डेशनको आर्थिक सहयोगमा सञ्चालन हुन लागेको तालिम आगामी असार १७ गतेबाट सञ्चालन गरिनेछ । सीप सिकेर आयआर्जन गर्ने अवसरको खोजिमा रहेका युवाहरुले २०८० असार १० गतेसम्म आवेदन बुझाउन संस्थाले आग्रह गरेको छ ।
बेल्डिङ तालिम ४ महिनाको हुनेछ भने कार्पेन्ट्री तालिम ३ महिने हुनेछ । जसमा वेल्डिङ तर्फ ३ महिना संस्थागत तालिम साथै १ महिने ओजेटी र कार्पेन्ट्री तर्फ २ महिना १५ दिन संस्थागत र १५ दिने ओजेटी तालिम सञ्चालन गरिनेछ ।
पाँच कक्षा उत्तीर्ण भई १६ वर्ष उमेर पुगेका र ३५ वर्ष उमेर ननाघेकाहरूले आवेदन दिन सक्ने प्रकाशित सूचनामा उल्लेख छ । आवेदन फारम भरेर ओल्गापुरी इन्टरप्राइजेजको कार्यलय वा इमेल [email protected] मार्फत बुझाउन सकिनेछ ।
आवेदकले तालिम लिइसकेपछि संस्थाले खटाएको कम्पनीमा न्यूनतम १ वर्ष काम गर्ने प्रतिबद्दता आवेदकले गर्नुपर्ने संस्थाले बताएको छ ।
थप जानकारीका लागि : ०१-५१७३०७५, ९८५१२२५२७० वा संस्थाको इमेल [email protected]
हेर्नुहोस् सूचना :
