साताका अवसर : २७० रोजगारी, ९४५ जनालाई सीप तालिम र २२ युवालाई मासिक २५ हजार
काठमाडौं — रोजगारी खोजिरहेका युवा, सीप सिक्न चाहने व्यक्ति तथा व्यावसायिक अनुभव हासिल गर्न चाहने नयाँ जनशक्तिका लागि यो साता विभिन्न अवसर खुलेका छन्।
जीविको मिडियाको साप्ताहिक प्रस्तुति ‘साताका अवसर’ मा यसपटक विभिन्न निकायका २७० रोजगारी, काठमाडौं महानगरपालिकाको २२ जनाका लागि मासिक २५ हजार रुपैयाँसहितको करियर क्याम्प तथा बुटवलमा ९४५ जनाका लागि विभिन्न सीप तालिम समेटिएका छन्।
रोजगारीतर्फ स्थानीय तह, स्वास्थ्य, जलविद्युत निर्माण, प्रशासन, इन्जिनियरिङ र प्राविधिक क्षेत्रका अवसर छन्। तालिमतर्फ AI, Digital Marketing, Drone Operation, EV Maintenance, Caregiver, Montessori, Beautician, Plumbing लगायत परम्परागतदेखि नयाँ प्रविधिसम्मका विषय समेटिएका छन्।
१. पावर कन्स्ट्रक्सन कर्पोरेसन अफ चाइनामा १३६ रोजगारी
Power Construction Corporation of China ले नेपालमा निर्माणाधीन जलविद्युत आयोजनाका लागि ३६ प्रकारका पदमा कुल १३६ जना कर्मचारी माग गरेको छ।
Cost Manager, Site Manager, Civil तथा Electrical Engineer, Safety Officer, Account Officer, Administrative Officer लगायत व्यवस्थापकीय तथा अधिकृत पदका साथै विभिन्न Technician र Foreman पदमा ठूलो संख्यामा कर्मचारी माग गरिएको छ।
पदअनुसार Bachelor, Diploma, Vocational Training वा अन्य सम्बन्धित योग्यता तथा २ देखि ६ वर्षसम्मको अनुभव आवश्यक छ। चिनियाँ भाषा जान्ने उम्मेदवारलाई प्राथमिकता दिइनेछ।
आवेदन आवश्यक कागजातसहित [email protected] मा पठाउन वा खुमलटार, ललितपुरस्थित कार्यालयमा बुझाउन सकिन्छ।
अन्तिम मिति : २०८३ भदौ १८ गते
थप विवरण:
https://jibiko.com/2026/08/5693/
२. तीन पालिकामा १३४ जनालाई रोजगारी
गोकर्णेश्वर नगरपालिका, सूर्यविनायक नगरपालिका र पोखरा महानगरपालिकाले विभिन्न पदमा कुल १३४ जना कर्मचारी करार सेवामा माग गरेका छन्।
गोकर्णेश्वर नगरपालिकाले ४४ जना, सूर्यविनायक नगरपालिकाले २५ जना र पोखरा महानगरपालिकाले ६५ जना विद्यालय नर्स/स्टाफ नर्स माग गरेको छ।
खुलेका पदमा विशेषज्ञ चिकित्सक, मेडिकल अफिसर, स्टाफ नर्स, इन्जिनियर, कम्प्युटर अपरेटर, विभिन्न स्वास्थ्यकर्मी, प्राविधिक र कार्यालय सहयोगीसम्मका अवसर छन्।
गोकर्णेश्वरमा आवेदनको अन्तिम मिति भदौ २५ गते हो। पोखरा महानगरपालिकाको विद्यालय नर्सका लागि भदौ २४ गतेसम्म आवेदन दिन सकिन्छ। सूर्यविनायक नगरपालिकाले सूचना प्रकाशित भएको मितिले १५ दिनभित्र आवेदन माग गरेको छ।
थप विवरण:
https://jibiko.com/2026/08/5690/
३. काठमाडौं महानगरको करियर क्याम्पमा २२ जनालाई मासिक २५ हजार
काठमाडौं महानगरपालिकाले सिभिल इन्जिनियरिङ र आर्किटेक्चर अध्ययन गरेका युवाका लागि Career Camp २०८३ सञ्चालन गर्न लागेको छ।
सिभिल इन्जिनियरिङतर्फ ११ जना र आर्किटेक्चरतर्फ ११ जना गरी कुल २२ जना पूर्णकालीन प्रशिक्षार्थी छनोट गरिनेछन्।
चार महिनाको कार्यक्रममा सहभागीले मासिक २५ हजार रुपैयाँ सेवा सुविधा पाउनेछन्।
आवेदकले सम्बन्धित विषयमा कम्तीमा स्नातक तह उत्तीर्ण गरेको हुनुपर्छ।
प्रशिक्षार्थीले महानगरका आयोजनामा Drawing, Design, लागत अनुमान, निर्माण सुपरिवेक्षण र प्रतिवेदन तयार गर्ने काममा प्रत्यक्ष सहभागी भएर व्यावसायिक अनुभव हासिल गर्न पाउनेछन्।
आवेदन महानगरपालिकाको अनलाइन प्रणालीमार्फत दिन सकिन्छ।
अन्तिम मिति : भदौ २४ गते अर्थात् ९ सेप्टेम्बर २०२६
थप विवरण:
https://jibiko.com/2026/08/5709/
४. बुटवलमा ४४५ महिलालाई १५ प्रकारका सीप तालिम
बुटवल उपमहानगरपालिकाले दुई छुट्टाछुट्टै कार्यक्रममार्फत ४४५ महिलाका लागि १५ प्रकारका सीप तालिम खुलाएको छ।
‘नगर प्रमुख गृहिणी महिला स्वरोजगार तालिम कार्यक्रम’ अन्तर्गत ३२० महिलाका लागि ११ तालिम छन्। यसमा जुटको झोला, अचार, केक तथा बेकरी, जुत्ता–चप्पल, चुरापोते, साबुन तथा सर्फ, च्याउ खेती, स्वीटर बनाउनेलगायत तालिम समावेश छन्।
‘उपप्रमुख आत्मनिर्भर कार्यक्रम’ अन्तर्गत थप १२५ महिलाका लागि Cooking, Online Marketing, Montessori र Hair Cutting तालिम खुलेका छन्।
अधिकांश तालिमका लागि साक्षर भए पुग्ने उल्लेख छ। आवेदन सम्बन्धित वडा कार्यालयमा बुझाउनुपर्छ।
पहिलो कार्यक्रमको सूचना भदौ १६ र दोस्रो कार्यक्रमको भदौ १७ गते प्रकाशित भएको हो। दुवैमा सूचना प्रकाशित भएको मितिले १५ दिनभित्र आवेदन दिनुपर्नेछ।
थप विवरण:
https://jibiko.com/2026/09/5722/
५. बुटवलमा थप ५०० जनाका लागि निःशुल्क तालिम
बुटवल उपमहानगरपालिका र राष्ट्रिय व्यावसायिक प्रशिक्षण प्रतिष्ठानअन्तर्गतको व्यावसायिक प्रशिक्षण केन्द्र, बुटवलले गरी कुल ५०० जनाका लागि निःशुल्क सीप तालिममा आवेदन माग गरेका छन्।
बुटवल उपमहानगरपालिकाले १४ प्रकारका तालिममा ३६० जना छनोट गर्नेछ।
यसमा Graphic Design, AC Maintenance, Accounting, Barista, Beautician, Drone Operation, AI for Business, Content Creating and Digital Marketing, Prompt Engineering, EV Maintenance, CCTV जडान तथा Wood CNC लगायत विषय छन्।
तालिमअनुसार सामान्य लेखपढदेखि प्लस टुसम्मको योग्यता तोकिएको छ। आवेदकको उमेर १६ देखि ४० वर्ष हुनुपर्नेछ।
व्यावसायिक प्रशिक्षण केन्द्र, बुटवलले सात समूहमा १४० जना छनोट गर्नेछ। Caregiver, Montessori, Beautician, Cutting and Sewing तथा Plumbing लगायत तालिम सञ्चालन हुनेछन्।
यी तालिमका लागि उमेर १८ देखि ४५ वर्ष र तालिमअनुसार कक्षा ८ वा SEE लगायतको योग्यता आवश्यक छ।
बुटवल उपमहानगरपालिकाको तालिममा सम्बन्धित वडा कार्यालय वा रोजगार शाखामा आवेदन दिन सकिन्छ। प्रशिक्षण केन्द्रका तालिममा कार्यालयमै वा [email protected] मार्फत आवेदन दिन सकिन्छ।
दुवै कार्यक्रमको अन्तिम मिति : भदौ २५ गते
थप विवरण:
https://jibiko.com/2026/08/5698/
आवेदन दिनुअघि सम्बन्धित अवसरको शैक्षिक योग्यता, उमेर सीमा, अनुभव, आवश्यक कागजात तथा अन्तिम मिति आधिकारिक सूचनासँग पुनः जाँच गर्नु उपयुक्त हुन्छ।
रोजगारी, सीप, तालिम, उद्यमशीलता तथा जीविकासम्बन्धी अवसरका नियमित जानकारीका लागि जीविको मिडिया र jibiko.com हेर्न सकिन्छ।
