संयुक्त राष्ट्रसंघीय निकायमा ११ महिने अन-द-जब प्रशिक्षण, आवेदन खुला
काठमाडौं। नेपालस्थित संयुक्त राष्ट्रसंघका तर्फबाट पिपुल टु पिपुल प्रालिले सामाजिक रूपमा बहिष्करणमा परेका समुदाय, लैङ्गिक तथा यौनिक अल्पसंख्यक र अपाङ्गता भएका व्यक्तिका लागि ११ महिने ‘यूएन ट्रेनीसिप कार्यक्रम–समूह ११’ मा आवेदन आह्वान गरेको छ।
कार्यक्रमअन्तर्गत छनोट हुने प्रशिक्षार्थीले संयुक्त राष्ट्रसंघीय निकायहरूको कार्य वातावरणमा पूर्णकालीन रूपमा काम गर्दै व्यावहारिक अनुभव हासिल गर्न सक्नेछन्। उनीहरूलाई कार्यस्थलमै प्रशिक्षण, मार्गदर्शन तथा विभिन्न विषयगत क्षेत्रमा काम गर्ने अवसर प्रदान गरिनेछ।
कुन–कुन क्षेत्रमा काम गर्न पाइन्छ?
छनोट भएका प्रशिक्षार्थीले आफ्नो शैक्षिक योग्यता, रुचि र उपलब्ध अवसरअनुसार निम्न क्षेत्रसँग सम्बन्धित काममा अनुभव हासिल गर्न सक्नेछन्:
- स्वास्थ्य
- खानेपानी, सरसफाइ तथा स्वच्छता (WASH)
- शिक्षा
- सामाजिक तथा व्यवहार परिवर्तन
- सञ्चार
- सामाजिक नीति तथा सुशासन
- आपूर्ति तथा ढुवानी व्यवस्थापन
- प्रशासन, सञ्चालन तथा कार्यक्रम सहयोग
- विपद् जोखिम न्यूनीकरण तथा आपत्कालीन व्यवस्थापन
- अनुगमन, मूल्याङ्कन, जवाफदेहिता तथा सिकाइ (MEAL)
- अनुगमन तथा मूल्याङ्कन (M&E)
- प्रशासन तथा वित्त
यो कार्यक्रम रोजगारीभन्दा पनि सहभागीलाई व्यावसायिक अनुभव, कार्यस्थलको सीप र संयुक्त राष्ट्रसंघीय कार्यप्रणालीबारे व्यावहारिक ज्ञान प्रदान गर्ने उद्देश्यले सञ्चालन गरिएको हो।
कसले आवेदन दिन पाउँछन्?
आवेदकले कम्तीमा स्नातक तहको अध्ययन पूरा गरेको हुनुपर्नेछ। निम्न समूहका योग्य नेपाली नागरिकले आवेदन दिन सक्नेछन्:
- पछाडि पारिएका जनजाति समुदायका व्यक्ति
- दलित समुदायका व्यक्ति
- मधेसी समुदायका व्यक्ति
- मुस्लिम समुदायका व्यक्ति
- कुनै पनि सामाजिक समूहका लैङ्गिक तथा यौनिक अल्पसंख्यक (LGBTQIA++)
- कुनै पनि सामाजिक समूहका अपाङ्गता भएका व्यक्ति
यसका साथै आवेदकमा संयुक्त राष्ट्रसंघका व्यावसायिकता, निष्ठा तथा विविधताप्रतिको सम्मानजस्ता आधारभूत मूल्यमान्यताप्रति प्रतिबद्धता हुनुपर्नेछ। नेपाली र अंग्रेजी भाषामा सामान्य मौखिक तथा लिखित सञ्चार क्षमता, सिक्ने इच्छा र ११ महिनासम्म कार्यक्रम पूरा गर्ने प्रतिबद्धता पनि आवश्यक छ।
कार्यस्थल कहाँ हुनेछ?
ट्रेनीसिपका सम्भावित कार्यस्थल निम्न सहरमा रहनेछन्:
काठमाडौं, जनकपुर, पोखरा, धनगढी, दिपायल, नेपालगञ्ज, भैरहवा, सुर्खेत र भद्रपुर।
आवेदकले आफ्नो उत्प्रेरणापत्रमा आफूले काम गर्न चाहेको प्राथमिकताको कार्यस्थल उल्लेख गर्नुपर्नेछ।
आवेदनका लागि आवश्यक कागजात
अनलाइन आवेदन फाराम भर्दा निम्न कागजात अपलोड गर्नुपर्नेछ:
- हालसालै खिचिएको फोटो
- नेपाली नागरिकताको प्रमाणपत्रको प्रतिलिपि
- अद्यावधिक व्यक्तिगत विवरण अर्थात् बायोडाटा
- एसएलसी वा एसईईदेखि उच्च शैक्षिक तहसम्मका प्रमाणपत्रका प्रतिलिपि
- बढीमा २०० शब्दको उत्प्रेरणापत्र
उत्प्रेरणापत्रमा आवेदकले यूएन ट्रेनीसिप कार्यक्रममा सहभागी हुन चाहनुको कारण, आफ्नो रुचिको कार्यक्षेत्र, कार्यक्रमबाट हासिल गर्न चाहेको ज्ञान, सीप र अनुभव तथा प्राथमिकताको कार्यस्थल उल्लेख गर्नुपर्नेछ।
आवेदन कसरी दिने?
योग्यता पुगेका व्यक्तिले पिपुल टु पिपुलको वेबसाइटमा गएर अनलाइन आवेदन फाराम भर्नुपर्नेछ।
अनलाइन आवेदन फाराम:
यहाँ क्लिक गरेर आवेदन दिनुहोस्
कार्यक्रमसम्बन्धी विस्तृत सूचना:
यूएन ट्रेनीसिप कार्यक्रम–समूह ११ को सूचना हेर्नुहोस्
आवेदनको अन्तिम मिति
आवेदन २०८३ साउन ८ गते शुक्रबार अर्थात् २४ जुलाई २०२६ को दिउँसो १ बजेसम्म बुझाइसक्नुपर्नेछ। निर्धारित समयपछि प्राप्त आवेदन छनोट प्रक्रियामा समावेश गरिने छैन।
प्रशिक्षार्थीले के सुविधा पाउँछन्?
छनोट भएका प्रशिक्षार्थीलाई प्रचलित श्रम कानुनअनुसार निर्वाह खर्चका लागि स्टाइपेन्ड, सामाजिक सुरक्षा कोषको सुविधा तथा अन्य लागू हुने सुविधा उपलब्ध गराइने सूचनामा उल्लेख छ। प्रशिक्षार्थीको करार पिपुल टु पिपुल प्रालिसँग हुनेछ र उनीहरूलाई नेपालका विभिन्न स्थानमा रहेका सहभागी संयुक्त राष्ट्रसंघीय निकायमा खटाइनेछ।
छनोट प्रक्रिया र महत्वपूर्ण जानकारी
योग्यता पुगेका आवेदकमध्ये प्रारम्भिक सूचीमा परेका व्यक्तिलाई मात्र थप छनोट प्रक्रियाबारे जानकारी गराइनेछ। आवेदन, अन्तर्वार्ता, परीक्षण, तालिम वा अन्य कुनै पनि चरणमा प्रभाव पार्ने उद्देश्यले गरिने गतिविधिका कारण आवेदक अयोग्य हुन सक्नेछन्।
संयुक्त राष्ट्रसंघ र पिपुल टु पिपुलले आवेदन तथा छनोट प्रक्रियाको कुनै पनि चरणमा उम्मेदवारबाट शुल्क नलिने स्पष्ट पारेका छन्। यूएन ट्रेनीसिपमा सहभागी गराउने नाममा प्रशिक्षण दिन संयुक्त राष्ट्रसंघले कुनै पनि संस्था वा इन्स्टिच्युटलाई नियुक्त नगरेको पनि सूचनामा उल्लेख छ।
यो ट्रेनीसिप पूरा गर्दैमा संयुक्त राष्ट्रसंघको कुनै निकायमा स्थायी वा पूर्णकालीन रोजगारी सुनिश्चित हुँदैन।
थप जानकारीका लागि
सम्पर्क नम्बर: ०१–५४३९७८८ / ०१–५४३९७४६
कार्यालय समय: सोमबारदेखि शुक्रबार, बिहान ९ बजेदेखि साँझ ६ बजेसम्म
I want a Job.
Age limite kati x kai khulako xina age ko kura
मेराे नाम ………. हाे। मेलै स्नातक तह पास गरेकाे छु। पिपल टु पीपल प्रा.ली संस्थाले गर्दै आएको युवा सीप अवसर उपलब्ध गराउँदै आएको जिविकोबाट थाहा पाएको छु। मैले इलेक्ट्रिसियन सिसिटिभी क्यामेरा काम गरेको छु। मलाई यस सम्बन्धी भएको खण्डमा मलाई सहज हुनेछ जस्तो लाग्छ ।यस संस्थाबाट अनलाइन क्लास हुन्छ कि हुँदैन? म यस तालिमको लागि इच्छुक रहेको छु। मसँग सिटीभिटिस सम्बन्धी प्रमाणपत्र रहेको छैन।
धन्यवाद जानकारीको लागि म इच्छुक छु।
सरसफाइ
, सरसफाइ
I’m interested sir. I am Ganga Yadav. I am from Janakpur. I am 25 years old. I have +2 passed.
Yaspali BA 4th Year ko exam dine haru apply garna pauxa ki nai?
के म पनि सहभागि हुन सक्छु??
Dheraiii ramro kura thank you for your information ☺️🙏
Thank you for considering my application. I look forward to the opportunity to contribute and learn through this traineeship