ओल्गापुरीमा निःशुल्क आवासीय सीप तालिम, १८–३५ वर्षका युवाले आवेदन दिन सक्ने
काठमाडौं । ओल्गापुरी सोसल इन्टरप्राइजले बेरोजगार, विद्यालय बीचमै छोडेका तथा सीप सिकेर रोजगारी वा स्वरोजगारमा जोडिन चाहने युवाका लागि निःशुल्क आवासीय सीपमूलक तालिम सञ्चालन गर्ने भएको छ।
पूरा जानकारीको लागि तलको भिडियो हेर्नुहोस् 👇
नेपाल युथ फाउन्डेशनको आर्थिक तथा प्राविधिक सहयोगमा सञ्चालन हुने तालिम २०८३ साउन ४ गते अर्थात् २० जुलाई २०२६ देखि सुरु हुने सूचनामा उल्लेख छ।
तालिम विशेषगरी रोजगारीको अवसर खोजिरहेका, उच्च शिक्षाबाट वञ्चित, बेरोजगार तथा सीप सिकेर सम्बन्धित क्षेत्रमा काम गर्न इच्छुक युवालाई लक्षित गरिएको छ। युवासँग काम गरिरहेका संघसंस्था तथा स्थानीय तहहरूले पनि योग्य युवालाई तालिमका लागि सम्पर्क गराउन सक्नेछन्।
कुन–कुन विषयमा तालिम हुन्छ?
ओल्गापुरीले चारवटा प्राविधिक विषयमा तालिम सञ्चालन गर्ने जनाएको छ।
Assistant Plumber / सहायक प्लम्बर तालिम ३ महिना कक्षागत तालिम र १ महिना ओजेटी गरी जम्मा ४ महिनाको हुनेछ।
Building Electrician / बिल्डिङ इलेक्ट्रिसियन तालिम पनि ३ महिना कक्षागत तालिम र १ महिना ओजेटी गरी जम्मा ४ महिनाको हुनेछ।
Assistant Welder / सहायक वेल्डर तालिम ३ महिना कक्षागत तालिम र १ महिना ओजेटी गरी जम्मा ४ महिनाको हुनेछ।
Furniture Maker / फर्निचर मेकर तालिम ३ महिना कक्षागत तालिम र ३ महिना ओजेटी गरी जम्मा ६ महिनाको हुनेछ।
कसले आवेदन दिन सक्छन्?
सूचनाअनुसार तालिममा सहभागी हुन न्यूनतम शैक्षिक योग्यता कक्षा ५ पास हुनुपर्नेछ। उमेर १८ वर्ष पूरा भई ३५ वर्ष ननाघेको हुनुपर्नेछ। बेरोजगार, विपन्न तथा उच्च शिक्षाबाट वञ्चित युवालाई प्राथमिकता दिइनेछ। साथै, तालिम लिएपछि सोही क्षेत्रमा काम गर्न इच्छुक युवालाई लक्षित गरिएको छ।
यो तालिम आवासीय र निःशुल्क हुने भएकाले आर्थिक अभावका कारण सीप सिक्न नसकेका युवाका लागि उपयोगी अवसर हुन सक्छ। प्लम्बिङ, इलेक्ट्रिसियन, वेल्डिङ र फर्निचर निर्माणजस्ता सीपहरू नेपालमै रोजगारी, स्वरोजगार तथा वैदेशिक रोजगारीका लागि समेत उपयोगी मानिन्छन्।
कहाँ सम्पर्क गर्ने?
इच्छुक युवाले ओल्गापुरी सोसल इन्टरप्राइज, ओल्गापुरी भोकेसनल स्कुल, ललितपुर महानगरपालिका–२२, चुनिखेल, बुंगमती, ललितपुरमा सम्पर्क गर्न सक्नेछन्।
सम्पर्क नम्बर: ०१–५१७३०७५ / ५१७३१२९
मोबाइल: ९८५१२१६०५९
इमेल: [email protected]
वेबसाइट: www.olgapuri.org
तालिमसम्बन्धी विस्तृत जानकारीका लागि ओल्गापुरीले प्रकाशित गरेको सूचनामा उल्लेखित विवरण हेर्न तथा संस्थामा प्रत्यक्ष सम्पर्क गर्न अनुरोध गरिएको छ।
हेर्नुहोस् सूचना
के हामी ले यो निशुल्क टेनिङ लिनु सकिन्छ र हजुर
Electrical
फर्निचर मेकर तालिम
वेल्डिङ सिकेर देशमा केही गर्ने र राम्रोसँग व्यवसाय सञ्चालन गर्ने एकचोटि विदेश भएर फेरि फर्केर देशमै आई त्यसै क्षेत्रमा आफ्नो व्यवसाय सञ्चालन गर्ने इच्छा भएको कारण वेल्डिङ सिक्नको लागि आफूसँग पैसा नभएको र म पिछडिएको वर्ग सुदूरपश्चिम डडेलधुरा भागेश्वर वडा नं ३ क्षेत्र पिछडिएको वर्गबाट आएको अहिले पढाइ नभएर त्यत्तिकै काठमाडौँ कीर्तिपुरमा बसिरहेको छु।
छनौट मा पर्नै गारो छ
Thanks for this Opportunity to all team members
म इच्छुक छु यो तालिम लिनको लागि
धेरै राम्रो छ शिवसुविधाहरु धन्यवाद जीविको
I am interested
म अनाथ हो ८ फेल हो प्लिज मलाई सहयोग गरिदिनु होला 🙏🏽
यो कार्यक्रम धेरै राम्रो छ तर पहाडी जिल्ला तिरको मान्छेलाई सामास बेस गर्ने मिल्छ कि मिल्दैन
my brother is very interested in learning this skill