पनौती प्राविधिक शिक्षालयले ६५ दिने (३९० घण्टा) नि:शुल्क बारिस्टा तालिम संचालन गर्दैछ । आवेदन फारम पनौती प्राविधिक शिक्षालयमा उपलब्ध रहेको छ भने आवेदन बुझाउने अन्तिम मिति चैत्र ९ गते बिहीबारसम्म रहेको छ । चैत्र १० गते शुक्रबार बिहान १०:३० बजेदेखि आवेदकहरूको अन्तरवार्ता हुने र चैत्र १२ गते आईतबारदेखि पनौती-०६, काभ्रेपलाञ्चोकमा रहेको शिक्षालयमा तालिम संचालन हुने शिक्षालयका उप-प्रमुख मृगेन्द्र बहादुर प्रधानले जानकारी दिएका छन् । उनका अनुसार बारिस्टा तालिमका लागि साधारण लेखपढ गर्न सक्ने २० जना छनोट हुने छन् र उनीहरूको सीप परिक्षण पनि हुनेछ ।

सीपमूलक तालीम लिनका लागि १६ वर्ष उमेर पुगेकाहरूले १ (एक) प्रति पासपोर्ट साइजको फोटो र नेपाली नागरिकता प्रमाणपत्रको प्रतिलिपि सहित शिक्षालयमा उपलब्ध आवेदन फारम बुझाई दरखास्त दिन सक्ने छन् । यस विषयमा थप जानकारीका लागि पनौती प्राविधिक शिक्षालयको फोन नम्बर ०११-४४०२५०, ०११-४४१३६९, वा मोबाईल नम्बर ९८५१३३०२६४ मा सम्पर्क गरेर बुझ्न सकिन्छ ।