कृषि अनुसन्धान परिषदमा स्थायी जागिरको अवसर
कृषि अनुसन्धान परिषद्ले बिभिन्न पदमा खुला तथा समावेशी प्रतियोगिताबाट कर्मचारी माग गरेको छ । परिषद्ले वरिष्ठ वैज्ञानिक, वैज्ञानिक, प्राविधिक अधिकृत, लेखा अधिकृत, जेटि, कम्प्युटर सहायक, ओभरसियर, इलेक्ट्रिसियन, मेकानिक, प्लम्बर, लगायतका पदको लागि ३ सय ६१ कर्मचारी माग गरेको हो ।
आवेदन बैशाख ३ गतेसम्म दिन सकिनेछ । दरखास्त फाराम www.narc.gov.np को Recruitment Tab बाट डाउनलोड गरी भर्न सकिने छ । दरखास्त फारामसँगै नागरिकता प्रमाणपत्र, शैक्षिक योग्यता प्रमाणपत्रहरू, नियुक्ति एवं सरुवा बढुवा लगायतका कागजातहरूको प्रतिलिपि बुझाउने पर्ने सूचनामा उल्लेख गरिएको छ ।
दरखास्त दस्तुर मुख्य वैज्ञानिक एस-५ पदका लागि १ हजार ५ सय, वरिष्ठ वैज्ञानिक पदका लागि १ हजार २ सय, मुख्य प्रशासकीय अधिकृत ए-९ पदका लागि १ हजार ३ सय, वरिष्ठ प्राविधिक/ वरिष्ठ प्रशासकीय / वरिष्ठ लेखा अधिकृत पदका लागि १ हजार २ सय प्राविधिक/प्रशासकीय / लेखा अधिकृत पदका लागि १ हजार, जे.टी./लेखा/प्रमुख प्रशासन सहायक पदका लागि ४ सय रुपैयाँ लाग्नेछ । दस्तुर परिषद्को कृषि विकास बैंक लिमिटेड लगनखेल ललितपुरको चल्ती खाता नम्बर ०२११६००१७९३९००१२ मा जम्मा गर्नुपर्ने हुन्छ ।
सूचना तथा थप जानकारीको लागि : LINK
