व्यावसायिक तथा सीप विकास तालिम केन्द्र बागमती प्रदेश, गजुरी, धादिङले  निःशुल्क ३६ महिने आधारभूत व्यावसायिक तथा सीपमूलक तालिमका लागि आवेदन खुलाएको छ । केन्द्रले विद्युत जडान तह, प्लम्बिङ तह, ब्युटिसियन तह, मोबाइल मर्मत तह, एडभान्स सिलाइकटाइ, कम्प्युटर अपरेटर तहमा गरी जम्मा १ सय जनालाई तालिम दिन  लागेको हो ।  कम्प्युटर अपरेटर तह का लागि  एसईई,एसएलसी  उत्तीर्ण हुने पर्ने छ भने अरु तालिमका लागि कक्षा ८ उत्तीर्ण हुनु पर्ने प्रकाशित सूचनामा उल्लेख गरिएको छ । 

आवेदन पुष ६ गतेसम्म केन्द्रको कार्यालयमा गएर दिन सकिन्छ । आवेदन फारामसँगै नेपाली नागरिकताको प्रमाणपत्रको प्रतिलिपि, शैक्षिक योग्यताको प्रमाणपत्रको प्रतिलिपि, हालसालै खिचिएको पासपोर्ट साइजको फोटो ४ प्रति र एडभान्स तालिमको हकमा सीप परिक्षण तह १ वा आधारभुत तालिम सम्पन्न गरेको प्रमाणपत्रको प्रतिलिपि बुझाउनु पर्ने केन्द्रले बताएको छ ।    

तालिमका सहभागि छनौटको  लिखित प्रयोगात्मक प्रवेश परीक्षा र अन्तर्वार्ताबाट गरिने छ । तालिम अवधि भर न्यूनतम खाजा भत्ताको व्यवस्था भएको केन्द्रले बताएको छ । तालिममा दलित, जनजाति, आदिवासी, शहीद परिवार, विपन्न महिला र प्रवेशिका परीक्षा अनुत्तीर्ण भएकालाई विशेष प्राथमिकता दिइने छ  । 

थप जानकारीका लागि ०१० ४०२०५३ मा सम्पर्क गर्न सकिन्छ ।      

हेर्नुहोस् सूचना