प्राविधिक शिक्षा तथा तालिम परिषद् पोखरा प्राविधिक शिक्षालयले विभिन्न ४ किसिमको नि:शुल्क सीपमूलक तालिमको लागि आवेदन माग गरेको छ । शिक्षालयले बेकरी , बारीस्टा , जनरल कुक, वेटरमा २० जनाको दरले ८० जनाको लागि तालिमको आव्हान गरेको हो । सबै तालिम ६५ दिन ( ३९० घण्टा ) को हुने शिक्षालयले बताएको छ  ।  

आवेदन मंसिर २१ गते सम्म दिन सकिन्छ भने तालिम मंसिर २८ गतेबाट सुरु हुने प्राकाशित सूचनामा उल्लेख गरिएको छ । आवेदन फारमसँगै नागरिकको प्रतिलिपि, १ प्रति पासपोर्ट साइजको फोटो, शैक्षिक योग्यताको प्रमाणपत्रको प्रतिलिपि सामेल गर्नुपर्नेछ । आवेदकको अन्तर्वार्ता मंसिर २३ गते शिक्षालयको कार्यालयमा हुने छ ।  

थप जानकारीका लागि ०६१५७८०४० वा ०६१५७२०४० मा सम्पर्क गर्न सकिने शिक्षालयले जनाएको छ ।   

हेर्नुहोस् सूचना