नेपाल खानेपानी संस्थानले  ६ महिनाको लागि विभिन्न ६ पदमा  गरी ४६ करार कर्मचारीहरूको दर्खास्त आव्हान गरेको छ । जसमा  जुनियर प्लम्बरमा ७ जना,  लाइट ड्राइभरमा  ७ जना , प्लान्ट एटेन्डेन्टमा १ जना, ल्याब ब्वाईमा ३ जना,  हेल्परमा १४ जना र कार्यालय सहयोगी पदमा १४ जना कर्मचारी माग गरेको हो । 

 आगामी बैशाख १ गते सम्म खानेपानी संस्थानको कार्यलयमा गएर लिखित आवेदन दिन सकिनेछ ।  संस्थानले जुनियर प्लम्बर, प्लान्ट एटेन्डेन्ट, ल्याब ब्वाइको हकमा शैक्षिक योग्यता ८ कक्षा पास राखिएको छ भने ७ सय रुपैयाँ दस्तुर  तोकेको छ । 

हेर्नुहोस् सूचना

हेल्परको हकमा ५ कक्षा उत्तीर्ण गएको हुनुपर्ने र ६ सय रुपैयाँ  दस्तुर  लाग्नेछ ।  लाइट ड्राइभर, कार्यालय सहयोगी पदका लागि सामान्य नेपाली लेखपढ गर्न सक्ने भएको हुनुपर्नेछ भने सो पदको लागि ५ सय रुपैयाँ दस्तुर लाग्नेछ ।  १८ वर्ष पूरा भइ ४० वर्ष ननाघेको, कुनैपनि अदालतबाट कसुरदार नठहरिएको नेपाली नागरिकले दर्खास्त आवेदन दिन सक्नेछन् ।