काठमाडौं महानगरपालिकाले एक सय जना करार नगर प्रहरीको आवेदन आव्हान गरेको छ । महानगरपालिकाले खुला तर्फ ३३, महिला तर्फ १७,आदिवासी \जनजाति तर्फ १६, मधेसी तर्फ २ , दलित तर्फ ४ अल्पसङ्ख्यक तर्फ १ र सशस्त्र प्रहरीको सूचीबाट २७ जना जवानको माग गरेको हो ।    

आवेदन बैशाख १६ गतेसम्म दिन सकिने छ । आवेदन फाराम  www.kathmandu.gov.np बाट डाउनलोड गरी भर्न सकिने छ । दरखास्त फारामसँगै सूचीमा उल्लेखित दर्ता नम्बर खुलेको निवेदन र नागरिकताको प्रमाणपत्रको प्रतिलिपि पेश गर्नु पर्ने प्रकाशित सूचनामा उल्लेख गरिएको छ । निवेदन काठमाडौँ महानगरपालिका, प्रशासन विभागमा दिनु पर्ने हुन्छ ।   

हेर्नुहोस् सूचना