प्रहरी प्रधान कार्यालय नेपाल प्रहरीको मानव स्रोत विकास विभाग भर्ना छनौट शाखा नक्सालले प्रहरी सहायक निरीक्षक र प्रहरी जवान माग गरेको छ ।  यसअघि नै निकालिएको सूचनामा केही संख्या थप गरेर पुन: सूचना निकालिएको हो ।थप गरिएको सङ्ख्यामा जनपथ समूहतर्फ प्रहरी सहायक निरीक्षक चार सय ४३ र प्रहरी जवान दुई हजार चार सय ७४ जना माग भएको छ । 

यसअघि गत २०७८ असोज २२ गते सूचना प्रकाशन गरी ३ सय ६७ जना प्रहरी सहायक निरीक्षक माग गरेको भएपनि त्यसमा ७६ जना थपगरि ४ सय ४३ जना माग गरेको हो । यसैगरी, गत २०७८ मंसिर १० गते विज्ञापन प्रकाशन गरी १ हजार ९ सय ७१ जना प्रहरी जवान माग गरेको भए पनि आइतबार भने नेपाल प्रहरीले त्यसमा ५ सय ३ जना थप गरी २ हजार ४ सय ७४ जना प्रहरी जवान भर्नाका लागि माग गरेको प्रहरी कार्यलयले जानकारी दिएको छ ।

प्रहरी कार्यलयका अनुसार मङ्सिरमा लोकसेवाको लिखित परीक्षा दिएर बसेका परीक्षार्थीहरू भित्रबाट नै थप प्रहरी कर्मचारीको छनोट गरिने र माग परिपूर्ति गरिने छ । 

हेर्नुहोस् सूचना